Menu
1.jpg

በችካጎ፣ ሳንዲያጎና ኦስሎ የሚኖሩ ኢትዮጵያውያን ከ130 ሺ ዶላር በላይ ቦንድ ገዙ

በችካጎ፣ ሳንዲያጎና ኦስሎ የሚኖሩ ኢትዮጵያውያን ከ130 ሺ ዶላር  በላይ ቦንድ ገዙ

በሳንዲያጎና አካባቢው ነዋሪ የሆኑ ኢትዮጵያውያንና ትውልድ ኢትዮጵያውያን ለታላቁ የኢትዮጵያ ህዳሴ ግድብ ግንባታ የ43ሺህ 160 ዶላር (860 ሺህ ብር) ቦንድ ገዙ።

በሳንዲያጎ በተቋቋመው የታላቁ የህዳሴ ግድብ አስተባባሪ ምክር ቤት አስተባበሪነት የተሰባሰቡ ኢትዮጵያውያና ትውልደ ኢትዮጵያውያን በቀጣይም የአንድ መቶ ሺህ ዶላር የቦንድ ግዢ ለመፈጸም ቃል ገብተዋል።

የኢትዮጵያን በጎ የማይመኙ ጸረ ልማት ሀይሎች ተደራጅተው  ወደ ስብሰባ አዳራሽ ቀድመው በመግባት ስብሰባውን ለማወክ ጥረት አድርገዋል። ሆኖም የአስተባባሪው ምክር ቤቱ አባላት ከጸጥታ ሀይሎች ጋር በመተባበር ሰዎቹ እንዲወጡ በማድረግ ስብሰባው ቀጥሏል።

በስብሰባው የተገኙት አምባሳደር ዘሪሁን ረታ የግድቡ ግንባታ ስላለበት ሁኔታና ከተሰብሳቢው ለቀረቡ ጥያቄዎች ማብራሪያ ሰጥተዋል።

ተሰብሳቢዎቹ ባወጡት የአቋም መግለጫ ለኢትዮጵያ ፈጣን ልማትና እድገት ከፍተኛ ጠቀሜታ የሚኖረው የታላቁ ህዳሴ  ግድብ ግንባታ እንኪጠናቀቅ ድረስ ድጋፋቸውን አጠናክረው እንደሚቀጥሉ አስታውቀዋል።

በተመሳሳይ በኖርዌይ ኦስሎ የሚኖሩ ኢትዮጵያውያንና ትውልደ ኢትዮጵያን ለግድቡ ግንባታ የሚውል የ151 ሺ ክሮነር (498 ሺህ ብር) ቦንድ በመግዛት ለኢትዮጵያ ልማት ያላቸውን ቁርጠኝነት አረጋግጠዋል።

የቦንድ ግዢ መድረኩን ያዘጋጁት በኦስሎ የሚገኙ የኢትዮጵያውያን ኮሚዩኒቲ አባላት ስዊዲን ስቶክ ሆልም ከሚገኘው የኢ.ፌ.ዴ.ሪ ቆንስላ ጄነራል ጽህፈት ቤት ጋር በመተባበር ነው።

በስዊዲን ስቶክሆልም የኢ.ፌ.ዴ.ሪ ቆንስላ ጄነራል ጽህፈት ቤት እንዳስታወቀው ስብሰባውን የተቃወሙ ሀይሎች የጥገኝነት ጥያቄዎችን በማንሳት ስብሰባውን ለመበተን ባደረጉት ከተፈቀደላቸው ቦታ ውጭ በመንቀሳቀስ የአካባቢውን ማህበረሰብ በማወካቸው 11 ያህል ግለሰቦች ለእስር ተዳርገዋል። የሀገሪቱ መገናኛ ብዙሃንም ድርጊቱን ህገወጥ ሲሉ አውግዘውታል።

በተመሳሳይ በቺካጎ ኢሊኖይ የሚገኙ ኢትዮጵያዊያንና ትውልደ ኢትዮጵያዊያን ለታላቁ የኢትዮጵያ ህዳሴ ግድብ ግንባታ የሚውል ከ60 ሺህ ዶላይ በላይ  የቦንድ ግዢ ፈፀሙ።

በቺካጎ የሚገኙ የኢትዮጵያ ዲያስፖራ ማህበረሰብ እስከአሁን የ120 ሺህ ዶላር የቦንድ   ግዢ የፈፀሙ ሲሆን በቀጣይም ለግድቡ ግንባታ ስኬት የሚያደርጉትን ጥረት በማጠናከር ተጨማሪ የቦንድ ግዢ ለመፈፀም ቃል ገብተዋል።

በቦንድ ግዢ ስነስርአቱ ላይ የእድገትና ትራንስፎርሜሸን እቅድ እንዲሁም የታላቁ የኢትዮጵያ ህዳሴ ግድብ ግንባታ አፈፃፀም ላይ መብራሪያ ቀርቧል።

የታላቁ የኢትዮጵያ ህዳሴ ግድብ  6 ሺህ ሜጋዋት ኃይል የማመንጨት አቅም ሲኖረው ግንባታ 20 በመቶ  ገደማ ተጠናቋል።

 

ምንጭ-የኢ.ፌ.ዴ.ሪ ቆንስላ ጄነራል ጽህፈት ቤቶች

 

                                       

 

                                   

 

Last modified onTuesday, 30 April 2013 14:24

Leave a comment

Make sure you enter the (*) required information where indicated. HTML code is not allowed.

back to top